"Səhhətim çox qaydasındadır, kitablarımla məşğulam".
Bunu Modern.az-a açıqlamasında sabiq Baş nazir, Azərbaycan Dillər Universitetində müəllimlik fəaliyyətinə son qoyan Novruz Məmmədov deyib:
“Bu yaxınlarda ad günüm idi. Evdə, ailəmlə birlikdə keçirdik. Qaldı ki, səhhətimə hər şey qaydasındadır. Doğum günümə görə də zəng edənlər çox oldu, heç kimin yadından çıxmamışam”, – deyə o bildirib.
“Elə evdə kitablarımla məşğulam. Bu yaşda da yazıram, oxuyuram”, – o vurğulayıb.
N.Məmmədov onu da əlavə edib ki, hazırda Bakıdakı evində, səs-küydən uzaqda yaşayır.
