Milli Məclisdə payız sessiyasının işıqlandırılması məqsədilə jurnalistlərin akreditasiyası üçün təyin olunan vaxt sentyabrın 25-nə kimi uzadılıb. Milli Məclisin mətbuat katibi Akif Təvvəkküloğlu Modern.az-a açıqlamasında bunun səbəbini bir sıra KİV-lərin müracitələrini hələ göndərməmələri ilə izah edib.
“Bəzi jurnalistlər var ki, onlar təyin olunan vaxta qədər müraciət edə bilməyiblər. Ona görə də biz akreditasiya ilə bağlı müddəti 10 gün də uzatdıq. Amma sentyabarın 25-i son vaxtdır və bundan sonra biz edilən müraciətlərə baxıb, qərar qəbul edəcəyik” deyə mətbuat katibi əlavə edib.
Aytən ƏLİYEVA
