Mərkəzi Seçki Komissiyasının (MSK) iclasında 81 saylı Beyləqan seçki dairəsi üzrə daxil olan müraciətlər müzakirəyə çıxarılıb.
Modern.az xəbər verir ki, müraciətlər haqqında MSK üzvü Nizami Məmmədov məlumat verib.
MSK-nın ekspert qrupunun rəyi əsasında qərara alınıb ki, həmin dairənin dörd məntəqəsinin nəticələri etibarsız sayılsın. Nəticəsi ləğv olunanlar 81 saylı Beyləqan seçki dairəsinin 1,4,6,31 saylı seçki məntəqələridir.
Qeyd edək ki, 9 fevral parlament seçkilərinin ilkin nəticələrinə görə bu dairədən lider namizəd Şahin İsmayılovdur.
