2026-cı ilin büdcəsində beynəlxalq əlaqələr üçün 549,5 milyon manat ayrılacaq.
Modern.az xəbər verir ki, 2026-cı ilin dövlət büdcəsi layihəsində beynəlxalq münasibətlər və xarici fəaliyyətlə bağlı xərclər üçün 549,5 milyon manat vəsaitin ayrılması nəzərdə tutulur. Bu, 2025-ci illə müqayisədə 14,2 milyon manat və ya 2,7 faiz artım deməkdir.
Layihəyə əsasən, bu vəsaitin bölgüsü aşağıdakı kimidir:
215 milyon manat – Azərbaycan Respublikasının xaricdəki diplomatik nümayəndəlikləri və konsulluqlarının saxlanılması (2025-ci illə müqayisədə 10 milyon manat və ya 4,9 faiz çox);
23,5 milyon manat – beynəlxalq və regional təşkilatlara üzvlük haqları;
38 milyon manat – beynəlxalq və regional maliyyə institutlarının səhm kapitalında iştirakla bağlı xərclər;
7 milyon manat – beynəlxalq fəaliyyət və digər bu qəbildən olan tədbirlər;
239 milyon manat – beynəlxalq səviyyəli tədbirlərin keçirilməsi;
19 milyon manat – xarici yardımlar;
8 milyon manat – Azərbaycanın xaricdəki ticarət nümayəndəliklərinin saxlanılması.
