Sabah Milli Məclisdə ictimai dinləmə keçiriləcək.
Modern.az xəbər verir ki,sabah saat 11:00-da Aqrar siyasət komitəsinin “Kənd təsərrüfatında süni intellektin tətbiqi: nəticələr və perspektivlər” mövzusunda ictimai dinləmə keçiriləcək.
İclasa komitənin sədri Tahir Rzayev sədrlik edəcək.
İctimai dinləmədə dövlət qurumlarının nümayəndələri, kənd təsərrüfatı üzrə mütəxəssislər, alimlər, texnologiya sahəsinin ekspertlərin iştirakı gözlənilir. Müzakirələrin əsas məqsədi kənd təsərrüfatında rəqəmsal texnologiyaların tətbiqinin genişləndirilməsi, məhsuldarlığın artırılması və resurslardan daha səmərəli istifadə imkanlarının qiymətləndirilməsidir.
