Ermənistan parlamentinin deputatı, “Çiçəklənən Ermənistan” partiyasının üzvü Taron Simonyan sülhməramlılardan danışıb.
Modern.az Ermənistan KİV-nə istinadən xəbər verir ki, o, spiker Ararat Mirzoyana sual verərək, rusiyalı sülhməramlılarla bağlı üçtərəfli razılaşmanın bitməsindən sonra nələr olacağını soruşub.
“Üçtərəfli razılşamanın başa çatmasına 4 il, 8 ay, 12 saat qalıb. Bu müddət hadisələrin hər cür ssenari üzrə inkişafına hazırlaşmaq üçün qalan zamandır. Həmin müddətin effektli istifadə olunub-olunmayacağını dəqiq bilmək istəyirəm”-deyə Simonyan soruşub.
Spiker Ararat Mirzoyan məsələnin aktual olduğunu söyləyib. Onun fikrincə, sülhməramlıların Qarabağda daha uzun müddətə qalması Yerevanın maraqlarına cavab verəcək.
