Şərqi Zəngəzur Regional Təhsil İdarəsi üzrə ümumilikdə 33 məktəbəqədər təhsil müəssisəsi fəaliyyət göstərir.
Bu barədə Modern.az-ın sorğusuna cavab olaraq Şərqi Zəngəzur Regional Təhsil İdarəsindən məlumat verilib.
Bildirilib ki, onlardan 16-sı uşaq bağçası, 17-si isə körpələr evi-uşaq bağçasıdır.
Əlavə olaraq qeyd edilib ki, bağçalarda 171 nəfər tərbiyəçi-müəllim çalışır. Onlardan 7 nəfəri 2024-2025-ci tədris ili üzrə təyin olunub.
Regional Təhsil İdarəsindən verilən məlumata görə, qeyd olunan tədris ilində 6 nəfər tərbiyəçi-müəllimin əmək müqaviləsinə xitam verilib. Bildirilib ki, onların əmək müqaviləsi yaş həddinə çatmaları və müqavilə müddətinin bitməsilə əlaqədar dayandırılıb.
