Fəzail Ağamalının arxivindən seçmələr - Eks-deputat FOTOLARDA

Reportaj

10 Fevral 2026, 10:58

Sabiq deputat, Ana Vətən Partiyasının (AVP) keçmiş sədri Fəzail Ağamalı vəfat edib. O, 79 yaşında uzunsürən xəstəlikdən dünyasını dəyişib.

Fəzail Rəhim oğlu Ağamalı 1947-ci il avqustun 26-da Ermənistan Respublikası Sisian rayonunun Qızıl Şəfəq (Şıxlar) kəndində anadan olub. 1954-cü ildə birinci sinfə gedib və 1965-ci orta məktəbi bitirib. 1965-ci ilin noyabrından 1966-cı ilin uyun ayınadək Bakı şəhəri 1 saylı Evktikmə kombinatında fəhlə işləyib.

1966-1971-ci illərdə Azərbaycan Dövlət Universitetinin Tarix fakültəsində təhsil alıb, 1972-ci ildə BDU-nun aspiranturasına qəbul olunub və 1978-ci ildə aspiranturanı bitirib.

1971-1972-ci illərdə Naxçıvan şəhər 1 saylı orta məktəbdə müəllim, 1973 - 1983-cü illərdə Naxçıvan Dövlət Pedoqoji İnstitutunda müəllim, baş müəllim işləyib. 1983-1988-ci illərdə Azərbaycan Texnologiya İnstitutunda kafedra müdiri olub.

Sonra Bakı şəhərinə köçüb, 1988-ci ildə Milli Azadlıq Hərəkatına qoşulub. 1988-ci ildən Azərbaycan Xalq Təsərrüfatı İnstitutunda, 1991-ci ildən Azərbaycan Əmtəəşünaslıq İnstitutunda, 2000-ci ildən Azərbaycan İqtisad Universitetində dosent və professor vəzifələrində çalışıb.

Fəzail Ağamalı uzun müddət siyasətçi kimi fəaliyyət göstərib. O, 1990-cı ildə qurulan və 1992-ci ildə dövlət qeydiyyatına alınan siyasi təşkilata – Ana Vətən Partiyasına rəhbərlik edib.

1992-ci ildə Azərbaycan Respublikası sosial təminat nazirinin müavini, 1993– 1994-cü illərdə əmək və əhalinin sosial müdafiəsi nazirinin birinci müavini və naziri əvəzi olub.

Onun Ana Vətən Partiyasındakı sədrliyi 2025-ci ilədək davam edib.

Fəzail Ağamalı birinci, ikinci, üçüncü, dördüncü, beşinci və altıncı çağırış Azərbaycan Respublikası Milli Məclisinin deputatı olub (1995-ci ildən 2024-cü ilədək).

Fəzail Ağamalı jurnalistlər üçün əlçatan siyasətçi idi. O, tez-tez mediada çıxışlar edən, parlament debatlarında söz alaraq milli siyasətə dair fikirlərini çatdıran, siyasi aktivliklə yadda qalan siyasətçi idi.

Son illərdə partiya daxilində liderlik məsələləri və övladları arasında qarşıdurma xəbərləri də mətbuatda geniş yer almışdı — bu, onun şəxsi və ictimai həyatının bir hissəsi kimi yadda qalacaq.

2022-ci ilin əvvəlində ağır ürək əməliyyatı keçirmişdi.

Tarix elmləri doktoru elmi dərəcəsinə və professor elmi adına malik idi. O, “Şöhrət” ordeni ilə təltif edilmişdi.

F.Ağamalı üç övlad atası idi.

İk övladı Yalçın Ağamalı 52 yaşındadır. Yalçın Ağamalının iki universitet bitirib. O, Bakı Dövlət Universitetinin Tarix fakültəsində oxuduqdan sonra İqtisad Univeristetinin Beynəlxalq iqtisadi əlaqələr fakültəsində təhsil alıb.
Yalçın Ağamalı bir müddət keçmiş İqtisadi İnkişaf Nazirliyində çalışıb. Onun hazırda biznes fəaliyyətilə məşğul olduğu deyilir.

Fəzail Ağamalının digər oğlu Elçin Ağamalı qardaşından bir yaş kiçikdir. AVP sədrliyinə iddialı Elçin Ağamalı 51 yaşındadır. O da böyük qardaşı kimi iki ali təhsil alıb. Elçin Ağamalı Bakı Dövlət Universitetinin Hüquq fakültəsini bitirib. Sonra da Prezident yanında Dövlət İdarəçilik Akedemiyasında ikinici ali təhsil alıb.
Bir müddət dövlət qulluğunda çalışıb, sonra iş adamı kimi fəaliyyət göstərib.
O, Ana Vətən Partiyasında Mərkəzi Nəzarət-Təftiş Komissiyasının sədri, təşkilati məsələlər üzrə katib, beynəlxalq məsələlər üzrə müavin, Mərkəzin Aparatının rəhbəri, Mərkəzi Şuranın üzvü, İdarə Heyətinin üzvü olub.

Fəzail Ağamalının qızı Günay Ağamalı 43 yaşındadır. 2004-cü ildə Qərb Universitetini bitirib. 2004-2006-cı illərdə Azərbaycan Dillər Universitetində magistratura təhsili alıb. 2012-ci ildə ixtisasartırma ilə Azərbaycan Dövlət Pedoqoji Universitetində psixologiya ixtisasına yiyələnib. Tərcüməçi (ingilis dili) və praktik psixoloq ixtisaslarına malikdir.
İlk əmək fəaliyyətinə Azərbaycan Dillər Universitetində başlayıb. Universitetin nəzdindəki Tərcümə Araşdırmalar Mərkəzində əvvəlcə mütəxəssis, daha sonra baş mütəxəssis vəzifəsində çalışıb.
Günay Ağamalı 23 sentyabr 2024-cü il tarixində 65 saylı Salyan-Biləsuvar-Neftçala seçki dairəsindən VII çağırış Milli Məclisə deputat seçilib.
2026-cı ilin yanvarında Ana Vətən Partiyasının qurultayı keçirilib. Günay Ağamalı partiyanın yeni sədri seçilib.

Fəzail Ağamalı müstəqil Azərbaycanın siyasi həyatında uzun illər aktiv iştirak etmiş siyasətçi kimi müxtəlif fotolarda əks olunub. Bu fotolar onun fəaliyyət yolundakı müxtəlif anları əks etdirir.

Modern.az saytı mərhum siyasətçini xatırladan həmin fotoları təqdim edir: