“Femida.az” internet saytının adından və elektron poçt ünvanından sui-istifadə etməsi ilə bağlı “Femida-007” qəzeti barəsində qanunamüvafiq tədbir görülməsinə dair həmin saytdan daxil olmuş müraciət Baş Prokurorluqda araşdırılıb.
Qurumun mətbuat xidmətindən Modern.az saytına verilən məlumata görə, araşdırmalar nəticəsində “Femida-007” qəzetinin rəhbərliyi tərəfindən “Kütləvi informasiya vasitələri haqqında” Qanununun 28-ci maddəsinin tələblərinin pozulduğu müəyyən edillib.
Bu səbəbdən də qəzetin baş redaktoru Əyyub Kərimov Baş Prokurorluğa dəvət edilib. Ona “Prokurorluq haqqında” Qanunun 22-ci maddəsinə müvafiq qaydada yol verdiyi qanun pozuntusunun aradan qaldırılmayacağı təqdirdə barəsində qanunvericilikdə nəzərdə tutulmuş daha ciddi tədbir görüləcəyi barədə rəsmi xəbərdarlıq edilib.
Gülşən RAUFQIZI
