ABŞ-ın dövlət katibi Con Kerri bazar ertəsi Azərbaycan və Ermənistan prezidentləri İlham Əliyev və Serj Sarkisyan ilə telefonla söhbəti edib və Dağlıq Qarabağ münaqişəsinin nizamlanması məsələsini müzakirə edib.
Modern.az saytı xəbər verir ki, bu barədə brifinq zamanı ABŞ Dövlət Departamentinin rəsmi nümayəndəsi Con Kirbi məlumat verib.
"Onlar söhbət zamanı tərəflərin Dağlıq Qarabağ münaqişəsində barışığa ciddi riayət etməsini və hərtərəfli nizamlanma üzrə danışıqlara başlamağı müzakirə ediblər", — deyə o bildirib.
Onun sözlərinə görə, Kerri iki ölkə lideri ilə, həmçinin ikitərəfli münasibətləri müzakirə edib.
Modern.az
