BBC Azərbaycan xidməti radio fəaliyyətini dayandırması ilə əlaqədar dəyirmi masa keçiriləcək. Modern.az-ın məlumatına görə, xidmətdən bildirilib ki, cari ilin aprel ayından başlayaraq, Azərbaycan xidməti yalnz internet vasitəsilə fəaliyyətini davam etdirəcək.
Sabah Azərbaycan Media Mərkəzində keçiriləcək dəyirmi masada bu qərarın qəbulunun Azərbaycan informasiya məkanına təsirləri, insanların məlumat əldə etmə hüququnun məhdudlaşdırılması məsələləri redaktorlar, jurnalist təşkilatlarının rəhbərləri, hüquq müdafiəçiləri ilə müzakirə olunacaq.
Tədbirə Böyük Britaniyanın Azərbaycandakı səfirliyi də qatılacaq.
Modern.az
