Mühasibat uçotu və audit sahəsində ölkədə aparılan islahatların, o cümlədən Korporativ və Büdcə Sektorunda Hesabatlılıq Layihəsi (CAPSAP) üzrə nəticələrin müzakirə edilməsi məqsədilə Maliyyə Nazirliyinin təşkilatçılığı ilə 25 fevral 2011-ci il tarixində “Milli Mühasibat Uçotu sistemində islahatlar: ilkin nəticələr” mövzuda konfrans keçiriləcək.
Nazirliyin mətbuat xidmətindən Modern.az-a verilən məlumata görə, konfransda milli mühasibat uçotu sisteminin təkmilləşdirilməsi, mühasibat və maliyyə uçotu sahəsində görüləcək işlər, korporativ və büdcə sektorları üzrə maliyyə hesabatlarında şəffaflığın və hesabatların peşəkar səviyyəsinin artırılması, mühasibat və audit sahəsində maarifləndirmə işinin təşkili ilə bağlı müzakirələrin aparılması nəzərdə tutulur.
