Azərbaycan mill futbol komandanın kapitanı Rəşad Sadıqovun transfer qiyməti açıqlanıb. Almaniyanın transfer qiymətlərin müəyyənləşdirilməsilə ixtisaslaşmış “Transfermarket” şirkəti Azərbaycanın 36 idmançısının futbol bazarındakı dəyəri barədə açıqlama verib.
Modern.az Supersport.az-a istinadən bildirir ki, ölkəmizin ən bahalı futbolçusu milli komandanın kapitanı, "Qarabağ"ın aparıcı oyunçusu Rəşad Sadıqovdur. Onun futbol bazarında qiyməti 1 milyon avro təşkil edir.
Milli komandamızın üzvlərindən başqa U-21-də forma geyən futbolçuların adları da bu siyahıda yer alıb. Siyahıya düşənlər arasında Bakının "Abşeron" klubunun 3 üzvü də var. Komandanın əsas oyunçularından Fərrux Rəhimov “Transfermarket”in hesablamalarına görə 125 min, klubda icarə əsasında çıxış edən Eşqin Quliyev 100 min və Osman Umarov 50 min avro dəyərində qiymətləndiriliblər.
