Prezident İlham Əliyev Səhiyyə Nazirliyinin tabeliyində olan, qan və onun komponentlərini, habelə sümük iliyini tədarük və emal edən və dondurulmuş halda saxlanılması ilə məşğul olan müəssisələrin işçilərinin əməkhaqları barədə sərəncam imzalayıb.
Sərəncamda deyilir ki, Azərbaycan Respublikası Səhiyyə Nazirliyinin tabeliyində olan, qan və onun komponentlərini, habelə sümük iliyini tədarük və emal edən və dondurulmuş halda saxlanılması ilə məşğul olan müəssisələrin (şöbə və bölmələrin) işçilərinin Vahid Tarif Cədvəli ilə müəyyən olunmuş tarif (vəzifə) maaşlarına 2 dəfə artım əmsalı tətbiq edilsin.
Nazirlər Kabineti bu sərəncamdan irəli gələn digər məsələləri həll etməlidir.
Sərəncam 2012-ci il yanvarın 1-dən qüvvəyə minəcək.
Modern.az
