Gənclər və İdman Naziri Azad Rəhimov bu gün İmayıllı rayonunda təşkil olunan “Jurnalistlər üçün qış məktəbi” layihəsində iştirak edən media nümayəndələrini qəbul edib. Modern.az saytının məlumatına görə, görüşdə A.Rəhimov bildirib ki, nazirlik jurnalistlərlə əməkdaşlığa hər zaman hazırdır və belə məktəblər bundan sonra da təşkil olunacaq. Nazirin sözlərinə görə, jurnalistikanın inkişafı və dünya standartlarına cavab verəcək səviyyəyə gəlməsi üçün Gənclər və İdman Nazirliyi əlindən gələni edəcək.
Nazir “qış məktəbi”ndə iştirak edən jurnalistlərə sertifikatlar verib. Sonda Azad Rəhimov jurnalistləri maraqlandıran sualları cavablandırıb.
Modern.az
