“Ali təhsil haqqında” qanun layihəsi Milli Məclisdə müzakirəyə çıxarılacaq.
Modern.az-ın xəbərinə görə, bununla bağlı məsələ parlamentin Elm və təhsil komitəsinin 2022-ci ilin payız sessiyası üçün iş planına daxil edilib.
Komitənin bu gün keçirilən iclasında qeyd edilib ki, növbəti sessiya ərzində “Ali təhsil haqqında” qanun layihəsinin hazırlanması, komitəyə daxil olan sənədlərin, müraciətlərin müzakirəsi və ekspertizası, digər komitələrlə birgə Milli Məclisə çıxarılacaq sənədlərin müzakirəsi nəzərdə tutulub.
