Qırğızıstanın devrilmiş prezidenti Kurmanbek Bakiyev bu gün ölkəni tərk edib. Modern.az Rusiya mətbuatına istinadən xəbər verir ki, Bakiyev Qazaxıstana yola düşüb. “Ria-novosti” agentliyinin məlumatına görə, Bakiyev Astanada Qazaxıstan prezidenti Nursultan Nazarbayevlə danışıqlar aparacaq. Görüşdə Qırğızıstandakı vəziyyətin nizama salınması məsələsi müzakirə olunacaq. Bakiyev bu gün keçirilmiş mitinqdə bəyan edib ki, onu ölkəsinə şəxsən Nazarbayev özü dəvət edib. Qeyd edək ki, bu gün Belarus Bakiyevə siyasi sığınacaq təklif edib, lakin qırğız lideri təklifdən imtina edib.
