“Havaların soyuq keçməsi ilə bağlı əhalinin “kombi” və digər qızdırıcı vasitələrdən istifadə etməsi halları artıb. Bununla bağlı olaraq Bakı şəhərinin rayonlarına verilən qazın həcmi dünəndən başlayaraq artırılıb”.
Bunu Modern.az-a açıqlamasında Azəriqaz” QSC-nin mətbuat xidmətinin əməkdaşı Tahir Kərimli bildirib. Onun sözlərinə görə, qazın verilmə rejimi hava şəraitindən asılıdır. “Sinoptik duruma uyğun olaraq mənzillərə qazın verilməsini tənzimləyirik. Havalar soyuduğundan artıq “qış rejimi”nə keçmişik”.
