AAF mətbuat xidmətindən Modern.az-a verilən məıumata görə, 26 noyabr səhər saatlarında “Beynəlxalq yarışma, alpinizmin perspektivləri, təcrübə və problemləri” haqqında ikinci beynəlxalq elmi-nəzəri konfrans da keçirilib. Elə həmin günün
axşamı “Memarların Mərkəzi Evində” təntənəli mərasim təşkil olunub. Rusiya Alpinizm Federasiyası bu mötəbər tədbir ilə əlaqədar döş nişanı təsis edib. Bu nişan ilə alpinizm veteranları və alpinizmin inkişafında böyük rolu olan insanlar təltif olunur. İsrafil Aşurlıdan əlavə bu nişan ilə 49 alpinizm veteranı və fəalları təltif edilib. Bu da rusiyalı həmkarlarımız tərəfindən bu il 50 illik yubileyini qeyd edən Azərbaycan Alpinizm Federasiyası üçün yaxşı hədiyyə olub.
Mərasimdə, həmçinin, cari ilin may ayında Everesti fəth edən digər alpinistimiz Murad Aşurlı “Everesti fəth edən” döş nişanı ilə təltif edilib.
Modern.az
