Erməni katalikosu 2-ci Qaregin Qafqaz Müsəlmanları İdarəsinin sədri Allahşükür Paşazadənin məktubunu hələ almayıb. Modern.az bildirir ki, bu barədə Eçmiəzdin dəftərxanasının rəhbəri Vaqram Məlikyan bildirib.
“Bizdə bununla bağlı KİV-də getmiş məlumatdan savayı əlavə məlumat yoxdur. Hazırda deyə bilərəm ki, katalikos hələlik heç bir məktub almayıb”-deyə Məlikyan bildirib.
Xatırladaq ki, noyabrın 1-də QMİ sədri A.Paşazadə Azərbaycanda əsirlikdə olan erməni hərbi qulluqçusu Akop İncəqulyanla görüşüb. Görüşdən sonra QMİ sədri bildirib ki, bununla bağlı katalikosa məktub göndərəcək.
X.SƏFƏROĞLU
