Türkiyənin Moskvadakı səlahiyyətli səfiri Xəlil Axıncı hesab edir ki, Moskva Dağlıq Qarabağ münaqişəsinin nizamlanması məsələsində daha fəal rol oynaya bilər. Modern.az Rusiya mətbuatına istinadən xəbər verir ki, diplomat bu barədə Rusiya prezidenti Dmitri Medvedevin Ankaraya səfərini “İnterfaks” agentliyinə şərh edərkən bildirib. Diplomat qeyd edib ki, Moskva Türkiyə – Ermənisan münasibətlərinin nizamlanmasında da mühüm rol oynaya bilər.
“Biz inanırıq ki, Rusiya regional oyunçu kimi Qarabağ münaqişəsinin həllinə öz töhfəsini verə bilər. Çünki ATƏT-in Minsk qrupu həmsədrlərindən yalnız Rusiya region ölkəsidir”,-deyə səfir bildirib. Onun sözlərinə görə, Rusiyanın bu problemin həllində iştrakı daha fəal ola bilər. Səfir bu məsələnin Medvedevin Ankara səfərində müzakirə olunacağını deyib.
