ABŞ Kiyevin mərkəzində dinc aksiya keçirənlərin güc tətbiq edilməsi ilə dağıdılmasına görə Ukraynaya qarşı sanksiya tətbiq edə bilər. Modern.az saytı xarici KİV-ə istinadən bildirir ki, bunu ABŞ Dövlət Departamentinin rəsmi nümayəndəsi Cen Saki deyib. O, konkret hansı tədbirlərdən söhbət getdiyini açıqlamayıb: “Biz indi bütün mümkün variantları, o cümlədən sanksiya məsələsini də müzakirə edirik. Görünür ki, biz hələ məsələnin həlli prosesindəyik”.
Kiyevin Azadlıq meydanında etiraz edənlərin dağıdılmasını Avropa Birliyinin xarici siyasət üzrə rəhbəri Ketrin Eşton da pisləyib.
Modern.az
