Ukrayna Daxili İşlər Nazirliyinin əməkdaşları Kiyevin Azadlıq meydanında etiraz edənləri kütləvi şəkildə güllələməkdə şübhəli bilinənləri saxlayıb. Modern.az Ukrayna KİV-nə istinadən bildirir ki, saxlanılanlar arasında mütəşəkkil kriminal dəstə üzvləri ilə yanaşı hüquq-mühafizə orqanlarının əməkdaşları da var. DİN hazırda onların adlarını açıqlamasa da, aprelin 3-də kütləvi qırğınların araşdırılması ilə bağlı aralıq hesabatı təqdim edəcək. Hüquq-mühafizə orqanları tezliklə saxlanılan şübhəlilərin adlarının açıqlanacağını da istisna etmir.

Modern.az