Qarabağ münaqişəsinin həlli üzrə danışıqlar prosesinin sənədləri Ermənistan hökumətinin gov.am saytında dərc edilib.
Modern.az xəbər verir ki, Ermənistan hökumətinin saytında 2020-ci ilə qədər Qarabağ münaqişəsi üzrə danışıqların əsasını təşkil edən 13 sənədin faylı yerləşdirilib. Bunlara 2011-ci ildə Kazanda müzakirə edilən sənəd, 2019-cu ildə təqdim edilən vasitəçi təklifləri və digər sənədlər daxildir.
Sənədlər arasında eks-prezident Serj Sarkisyanın Ermənistanın Baş naziri Nikol Paşinyan tərəfindən dəfələrlə xatırlanan məşhur məktubu da var. Sarkisyanın 2016-cı ilin avqustunda yazdığı məktub Rusiya Prezidenti Vladimir Putinə ünvanlanmışdı.
