İyunun 9-da Mərkəzi Seçki Komissiyasının (MSK) iclası keçirilib. İclasda MSK sədri Məzahir Pənahov bildirib ki, Milli Məclisin qərarı ilə Şaitdin Əliyev parlamentdə çoxluq təşkil edən Yeni Azərbaycan Partiyasının nümayəndəsi olaraq MSK üzvü seçilib. MSK sədrinin müavini postunun üzün müddətdir boş olduğunu bildirən M.Pənahov Ş.Əliyevin həmin posta namizədliyini irəli sürüb. O, Ş.Əliyevin siyasi fəaliyyət barədə məlumat verib. MSK üzvlərinin səsverməsindən sonra Ş.Əliyev qurumun sədr müavini seçilib.
Qeyd edək ki, MSK sədrinin müavini Svetlana Qasımova 2009-cu il noyabrın 30-da vəfat etdikdən sonra sədr müavini postu boş qalmışdı.
