Azərbaycan idmançıları Sinqapurda keçirilən yeniyetmələr arasında Olimpiadanın ilk günündə iki qızıl medal qazanıblar.
Yunan-Roma növündə güləşən Murad Bazarov (42 kq) və Elman Muxtarov (50 kq) finalda Kuba və Özbəkistandan olan rəqiblərini məğlub edərək yeniyetmələr arasında Birinci Yay Olimpiya Oyunlarının qalibi olublar.
Sinqapurda Yeniyetmələrin I Yay Olimpiadası start götürüb. Olimpiadada 30 idman növü üzrə dünyanın 3600-dən çox idmançısı medal uğrunda mübarizə aparır.
Qeyd edək ki, ölkəmizi Olimpiadada 12 idmançı təmsil edir. Yarışda 15 yaşdan 18 yaşadək idmançılar mübarizə aparır.
