Azərbaycan milli komandasının hücumçusu Vaqif Cavadov futbolçu karyerasını «Bakı» klubunda davam etdirəcək. (qol.az). Vaqifin «Bakı»ya keçidi məsələsi tam həllini tapıb və tərəflər bütün məsələlərdə razılığa gəliblər.
Vaqifin keçmiş klubu «Qarabağ»la anlaşa bilməməsi isə maliyyə məsələləri ilə bağlıdır. Verilən məlumata görə, «Bakı» Vaqifə «Qarabağ»dan daha çox pul təklif etdiyindən futbolçu məhz paytaxt komandasında oynamağa üstünlük verib.
Hazırda Vaqifin «Tvente»dən transfer vərəqəsi almaq üçün bu klubun rəhbərliyi ilə danışıqlar apardığı bildirilir.
Bu məsələ həll olunandan sonra «Bakı» Vaqiflə rəsmi müqaviləyə imza atacaq.
