Gürcüstanın Azərbaycanda səfiri yenə də yoxdur. Modern.az Gürcüstanın “Apsny” agentliyinə istinadən xəbər verir ki, gürcü parlamenti aprelin 8-də bu vəzifəyə deputat İrakli Kavtaradzenin namizədliyini təsdiqləyib. Lakin o, hələlik səfir postunu deyil, deputat səlahiyyətlərini icra edir. Gürcüstan Xarici İşlər Nazirliyindən verilən məlumata görə, Kavtaradzenin rəsmi səfir səlahiyyətlərinin icrasına başlaması üçün Azərbaycandan müvafiq razılıq hələlik gəlməyib. Gürcü parlamentinin xarici əlaqələr komissiyasında bununla bağlı hər hansı problem görmədiklərini bildirirlər. Qeyd olunur ki, şərq ölkələrində ənənəvi olaraq razılıq məktubu gecikir.
Xatırladaq ki, İrakli Kavtaradzedən əvvəl Azərbaycanda səfir təyin olunmuş prezidentin mətbuat xidmətinin rəhbəri Vano Noniaşvili səfir vəzifəsindən imtina edib.
