Bakıda səfərdə olan türkiyəli jurnalistlər bu gün Dağlıq Qarabağın Azərbaycanlı İcmasında olublar. Modern.az-ın məlumatına görə, görüş zamanı icma sədri Bayram Səfərov türkiyəli media sədrlərinin suallarını cavablandırıb.
Bayram Səfərov Qarabağ probleminin Azərbaycanın ən ağrılı məsələsi olmağından, hazırkı işğal prosesinin hansı şəkildə davam etdiyindən danışıb: “Hazırda işğal altında olan Qarabağ ərazisində heç 50 minə yaxın erməni yaşamır. Lakin Qarabağın Azərbaycanlı İcması ermənilərdən say etibarı ilə çoxdur. Müharibədən sonra köçkünlərimiz bütün respublika boyunca səpələnmişdilər, çadırlarda yaşayırdılar. Artıq heç bir çadır şəhərçiyi mövcud deyil. Azərbaycan rəhbərliyi onların ağır şəraitini yaxşılaşdırmağa çalışır.Türkiyəli jurnalistin Qarabağda hazırda baş verən insidentərlə bağlı sualına cavab verən deputat Rövşən Rzayev Qarabağda yerləşmiş işğalçı qüvvələrə qarşı həm diplomatik, həm də hərbi yolla fəaliyyətlərin aparıla biləcəyini bildirib: “Hazırda işğalçı rejim olan Ermənistan Qarabağda qeyri-qanuni olaraq bir cinayətkar oyuncaq rejim formalaşdırıb. Biz müharibəni diplomatik çərçivədə həll etmək, torpaqlarımızı azad etmək istəyirik. Lakin bu proses istənilən səviyyədə davam etməsə, təbii ki, biz torpaqlarımızı antiterror əməliyyatları ilə azad edə bilərik”.
Görüşdə iştirak edən Ənvər paşanın nəvəsi Osman Mayatepek Qarabağ arğrısının ümumtürk dünyasının ağrısı olduğunu vurğulayıb:
“Qarabağ dərdi çox həssas bir ağrıdır. Vaxtilə ermənilər yalnız Qarabağda deyil, bütün Azərbaycanda işğala başlamışdılar. Ötən əsrin əvvəlində 8 cəbhədə döyüşən Osmanlı ordusu qardaş Azərbaycanı qurtarmaq üçün Qafqaz İslam Ordusunu yaradaraq, buraya göndərdi. Çox çətinliklər içərisində olsa belə, qardaş Azərbaycan erməni-daşnak işğalından qurtarıldı. Bu gün də eyni yardımı, qardaş əlimizi uzatmağa hazırıq”.
