Bu ilin fevralında “Azəryolservis” Açıq Səhmdar Cəmiyyətinin keçmiş sədri Cavid Qurbanov prezident İlham Əliyevin sərəncamı ilə “Azərbaycan Dəmir Yolları” Qapalı Səhmdar Cəmiyyətinin sədri təyin edilib. Bu təyinatı nəqliyyat naziri Ziya Məmmədova qarşı hal kimi dəyərləndirənlər oldu.
Yeni vəzifəyə təyinat alanda C.Qurbanov jurnalistləırə açıqlamasında Z.Məmmədovla aralarında hüç bir münaqişənin yaşanmadığını bildirsə də, son günlər mövzu yenidən gündəmə gətirilib.
Nəqliyyat naziri Ziya Məmmədovun qardaşı, Milli Məclisin deputatı, Elton Məmmədov Modern.az-a açıqlamasında sözügedən təyinatı qardaşına qarşı xoşagəlməz hal kimi dəyərləndirənlər üçün məsələni belə şərh edib.
“Ümumiyyətlə, bu cür məsələləri şərh etmirəm. Bir halda ki, belə fikirlər səsləndirirlər, o zaman onlara qısa və lakonik cavab vermək istəyirəm: dövlət başçısının istənilən sərəncamına hər bir vətəndaş hüquqi-dünyəvi dövlət olan Azərbaycanda yaşayan insan kimi yaxşı baxmalıdır və müzakirə etməməlidir. Təyinat alana can sağlığı arzu edirəm. Allah cənab prezidentimizi isə bizə çox görməsin”.
Namidə BİNGÖL
