92 saylı Zərdab-Ucar seçki dairəsindən deputatlığa namizəd Jalə Əliyeva noyabrın 1-də Zərdab rayonunun Ağabağı, Şıxbağı, Kəndəbil, Nəzəralılı, 2 noyabr tarixində isə rayonun Məlikli, Burunlu kəndlərində seçiciləriylə görüşmüşdür.
Bu kəndlərin sakinləri, deputalığa namizədi böyük bir mehribanlıqla və razılıqla qarşılamış, ötən beş ildə hər bir seçicisinə qarşı dürüst və səmimi olduğu üçün, onları hər zaman səbrlə dinləyib, onlara diqqət və qayğı göstərdiyi üçün, onların səsinin, sözünün tribunasına çevrildiyi üçün təşəkkür etmişlər.
Xüsusilə bu ilin yaz aylarında Kür çayının daşması nəticəsində böyük fəlakətlə qatşılaşan Ağabağı, Şıxbağı, Kəndəbil, Nəzəralılı camaatı həmin çətin günlərdə onları tək qoymayaraq, bu kəndlərdə su basmış həyətlərə bir-bir baş çəkən, problemlərin qısa zamanda aradan qaldırılması üçün yerindəcə əlaqədar təşkilatlara müraciət edən, Kürətrafı bəndbərkitmə işləriylə şəxsən tanış olan, ümumiyyətlə həmin günlərdə hər an seçicilərinin yanında olan millət vəkilinə minnətdarlıqlarını bildirmişlər.
Görüşlərdə çıxış edənlər seçimlərinin bir daha Jalə Əliyeva olduğunu bəyan etmiş, beş il bundan əvvəl olduğu kimi, yenə də ona səs verəcəklərini bildirmişlər. Bununla da Jalə Əliyeva kəndlərdə görüşlərini başa çatdırmışdır. Önümüzdəki üç gün ərzində isə Jalə Əliyeva rayon mərkəzində, şəhərin idarə və müəssisələrinin kollektivləri, təhsil, səhiyyə və mədəniyyət işçiləri, rayon fəalları və ağsaqqallarla rayon mədəniyyət evində görüşlər keçirəcəkdir.
Seçki qərargahı
