Müasir Müsavat Partiyasının sədri Hafiz Hacıyev dekabrın 13-də ABŞ-ın Azərbaycandakı səfirliyinin siyasi məsələlər üzrə səfiri xanım Bregita Buşet ilə görüşüb.
Partiyanın Mətbuat xidmətindən Modern.az-a verilən məlumata görə, səmimi və qarşılıqlı anlaşma şəraitində keçən 1 saat 10 dəqiqəlik görüşdə ölkədə və dünyada baş verən ictimai-siyasi proseslər, noyabrın 7-də keçirilən parlament seçkilərinin nəticələri, söz azadlığı və insan hüquqlarının müdafiəsi və qorunub saxlanması, həmçinin dövlətlərin hazırdakı demokratik durumu müzakirə edilib. Görüşdə MMP sədri Hafiz Hacıyevin bu yaxınlarda ABŞ-a işgüzar səfər edəcəyi də razılaşdırılıb.
Görüşün sonunda MMP sədri ilə Bregita Buşet arasında xüsusi razılaşma əldə edilib ki, bu cür görüşlər tez-tez həyata keçirilsin.
Modern.az
