Azərbaycanın xarici işlər naziri Elmar Məmmədyarov Bakıda səfərdə olan rusiyalı həmkarı Qriqoriy Karasinlə Xəzər dənizində beynəlxalq əməkdaşlığa dair sənədlərin hazırlanması prosesini müzakirə ediblər. Modern.az saytı APA-ya istinadən xəbər verir ki, bu barədə Rusiya xarici siyasət qurumunun rəsmi saytında bildirilir.
“Xüsusi diqqət Dağlıq Qarabağ münaqişəsinin nizamlanması mövzusuna və Xəzər dənizində beynəlxalq əməkdaşlığa dair sənədlərin hazırlanması prosesinə ayrılıb”, - deyə məlumatda bildirilir.
Məlumatda qeyd olunur ki, söhbət zamanı tərəflər arasında bölgədə vəziyyətin inkişafı, Rusiya və Azərbaycanın qonşu dövlətlərlə qarşılıqlı əlaqələrinin perspektivlərinə dair fikir mübadiləsi aparılıb.
Modern.az
