Belçika və Fransa kütləvi informasiya vasitələrində Brüsseldə tğrədilən terror aktlarının təşkilində şübhəli bilinən üçüncü şəxslə bağlı video müşahidə kameralarındakı görüntü haqda informasiya gedib. Modern.az-ın xarici mediaya istinadən verdiyi xəbərə görə, həmin şəxs əvvəllər müstəqil jurnalist işləyən Faysal Şeffidir.
O, martın 24-də prokurorluq ofisinin yaxınlığında saxlanılan 3 nəfərdən biridir. Mənbələrdən birinin dediyinə görə, Feysalı terrorçuları hava limanına gətirən taksi sürücüsü tanıyıb.
Federal prokurorluq isə hələ ki heç bir şərh vermir.
Brüsseldə martın 22-də bir neçə terror həyata keçirilib. İki partlayış hava limanında, biri isə metro stansiyasında baş verib. 30 nəfərdən çox adam həlak olub, 200-dən çox adam yaralanıb. Hücumlara görə məsuliyyəti İraq-Şam İslam Dövləti qruplaşması üzərinə götürüb.
