Kanada mətbuatı Şuşa Forumundan yazıb

Kanada mətbuatı Şuşa Forumundan yazıb

Diaspor

24 Yanvar 2023, 14:20

Kanadanın nüfuzlu “Thej.ca” yəhudi media platformasında “Bakı/Şuşa Forumunda mühüm Anlaşma Memorandumu imzalanıb” sərlövhəli məqalə dərc olunub. 

 

Tanınmış israilli poitoloq və jurnalist, Dona Qrasiya Diplomatiya Mərkəzinin təsisçisi  və baş direktoru Reyçel Avrahamın qələmə aldığı məqalədə bildirilib ki, Azərbaycan, Türkiyə, Özbəkistan və Qırğız Respublikasının diaspor məsələlərinə məsul dövlət qurumlarının rəhbərləri arasında imzalanmış anlaşma memorandumu türk xalqlarının diasporlarının öz ana dillərində təhsil almaq imkanlarını təşviq etməklə yanaşı, türk toplumları arasında birliyi gücləndirəcək. Forum iştirakçıları tərəfindən qəbul edilmiş birgə bəyanata istinadən qeyd olunub ki, 200 milyonluq türk dünyasının bir hissəsi olan Azərbaycandan kənarda yaşayan 40 milyon azərbaycanlının əksəriyyəti bu imkanlardan məhrumdur. Bakı/Şuşa Forumunda həmçinin Türk Diasporlarının Birgə Fəaliyyət Strategiyası çərçivəsində türk dövlətlərinin ortaq diaspor siyasəti barədə də razılığa gəlinib. 

 

Müxtəlif siyasi ekspertlərin fikilərinin yer aldığı məqalədə diqqətə çatdırılıb ki, Qarabağ müharibəsi türk dünyasının XXI əsrdə apardığı ən böyük azadlıq savaşı, türk dünyasında uzunmüddətli azadlığın oyanışının başlanğıcıdır. Türk birliyinin məqsədi türklərin yaşadıqları bölgəni dünyadan ayırmaq deyil, əksinə, dünya ilə əlaqələndirməkdir. Türk birliyinin idealı azadlıq hərəkatıdır və onun atəşi bu əsrdə Şuşada alovlanıb. Memorandumun imzalanması türk dünyasının diaspor birliyinin yaradılması istiqamətində ilk mühüm addım kimi qiymətləndirilib.

 

2023-cü ildə Türk Dövlətləri Təşkilatına üzv dövlətlərin gənclər forumunun keçiriləcəyi bildirilib.

 

Məqaləni ətraflı şəkildə aşağıdakı linkdən oxumaq mümkündür:
 

//www.thej.ca/2023/01/18/hallmark-memorandum-of-understanding-signed-at-baku-shusha-forum/

Twitter
Sizə yeni tvit var
Keçid et
İran rejiminin soydaşlarımıza qarşı QƏTLİAM PLANI