Xaricdə yaşayan azərbaycanlıların ana dilimizə olan sevgisini artırmaq, Azərbaycan mədəniyyəti ilə əlaqələrini gücləndirmək məqsədilə yeni və maraqlı bir layihə başlayır!
Əziz və dəyərli soydaşlar! Siz, uzaqlarda olsanız belə, ürəyi Azərbaycanla döyünən, dilimizi, mədəniyyətimizi və dəyərlərimizi yaşadan qəhrəmanlarsınız!
"New Diaspora of Azerbaijan" və AzEdu.az Təhsil Portalının əməkdaşlığı ilə təşkil olunan bu müsabiqənin əsas məqsədi uşaqlara dilimizi sevdirmək və ana dilimiz vasitəsilə Azərbaycan ədəbiyyatı və mədəniyyəti ilə tanış olmalarına dəstək olmaqdır. Hər bir iştirakçı öz videosu ilə bu təşəbbüsə töhfə verərək, ana dilimizin gələcək nəsillərə ötürülməsində iştirak edə bilər.
Müsabiqəyə qoşulmaq istəyənlər üçün iştirak şərtləri sadə, həm də maraqlıdır. Hər ayın sonunda qaliblər seçilərək xüsusi mükafatlarla təltif olunacaq. Elə bu gündən videolarınızı hazırlayın və Azərbaycanın səsini dünyaya çatdırın!
İştirak şərtləri:
- Müsabiqəyə xarici ölkələrdə yaşayan azərbaycanlı ailəsində olan bağça və məktəb yaşlı uşaqlar qoşula bilər;
- Videodakı səsləndirmə Azərbaycan dilində olmalıdır;
- Müsabiqədə iştirak etmək istəyən soydaşlarımız Azərbaycan ədəbiyyatına məxsus şeir və ya Azərbaycana aid mahnılar ifa edərək video çəkilişi newdiaspor.az@gmail.com poçt ünvanına göndərə bilərlər;
- İştirakçılar video ilə birlikdə öz adlarını, yaşlarını və hansı ölkədən iştirak etdiklərini qeyd etməlidirlər;
- Göndərilən videonun çəkiliş keyfiyyəti ən aşağı 1080p, ən çox 4K olmalıdır;
- Videolar @newdiasporaz rəsmi instagram səhifəsində #AnaDilimDiasporAz #AzərbaycanDili #AnaDiliSevgim həştəqləri ilə paylaşılacaq.
- Real bəyəni və real şərh sayı çox olan, münsiflər heyəti tərəfindən yüksək qiymət alan video sahibi qalib olacaq. Qalibə müxtəlif mükafatlar təqdim olunacaq.
Müsabiqəyə 22 yanvar tarixində start verilir və layihə davamlı olaraq keçiriləcək, hər ay sonunda qaliblər seçiləcək.
Ətraflı məlumat üçün @newdiasporaz instaqram səhifəsinə baş çəkin.
