Yekaterinburqda fəaliyyət göstərən “Azərbaycan-Ural” milli-mədəni ictimai təşkilatının sədri Şahin Şıxlinski sərbəst buraxılıb.
Modern.az-ın əldə etdiyi məlumata görə, diaspor təşkilatının rəhbəri bu dəqiqlərdə azad edilib.
Məlumatı Diasporla İş üzrə Dövlət Komitəsi saytımıza təsdiqləyib.
Şahin Şıxlinski İstintaq Komitəsində şahid qismində dindirilib.
Qeyd edək ki, diaspor təşkilatının sədri və oğlu Rusiyanın hüquq-mühafizə orqanları tərəfindən zor tətbiq edilərək saxlanılıb. Onların avtomobilinin şüşələri çəkiclə sındırılıb.
Şahin Şıxlinskinin oğlu Mutvali Şıxlinski daha sonra sərbəst buraxılıb.
