Ukrayna prezidenti Pyotr Poroşenko və ABŞ-ın dövlət katibi Con Kerrinin birgə mətbuat konfransında qeyri-adi hadisə baş verib. Modern.az Ukrayna mediasına istinadən bildirir ki, iki ölkənin təmsilçisi mətbuat konfransı keçirilən zalı tərk etməyə hazırlaşanda jurnalistlərdən biri selfi çəkdirmək üçün onları saxlayıb.
Kerri bu təşəbbüsü təqdir edib və KİV işçisi öz yanına çağırıb. Kerri və Poroşenko birgə foto çəkdirəndən sonra uzaqlaşıblar.
Ukraynanın prezidenti ilə dövlət katibi bu gün uzun müddətli danışıqlar aparıblar, başlıca mövzulardan biri ölkənin şərqindəki situasiya ilə bağlı olub.
Ukraynada səfərdə olan ABŞ-ın dövlət katibi bu gün baş nazir Vladimir Qroysman, Ali Radanın sədri Andrey Parubiy və xarici işlər naziri Pavlo Klimkinlə də görüşəcək.
Modern.az
