NATO-nun Sammitində iştirak etmək üçün Polşada səfərdə olan Ermənistan prezidenti Serj Sarkisyan ABŞ dövlət katibi Con Kerri ilə görüşüb.
Modern.az saytı “News.am”a istinadən xıəbər verir ki, əvvəlcə Dallasda törədilən qətliamla əlaqədar Con Kerriyə başsağlığı verən Sarkisyan daha sonra ABŞ-ın dövlət katibi ilə Dağlıq Qarabağ münaqişəsinin nizamlanması məsələsini müzakirə edib.
Serj Sarksiyan Con Kerriyə “Aprel müharibəsi”nin dayandırılması istiqamətində göstərdiyi səylərə görə təşəkkür edib.
Onlar Rusiya və ABŞ prezidentləri Putinlə Obama arasında olan sonuncu telefon danışığını da müzakirə ediblər.
Modern.az
