Rusiya prezidenti Vladimir Putin fransalı həmkarı Fransua Ollanda Nitsa şəhərində törədilmiş terrorla bağlı teleqram göndərib.
Modern.az saytı Rusiya KİV-nə istinadla xəbər verir ki, Putin terrorun Fransanın Milli bayramı günündə törədilməsinin xüsusi qəddarlıq olduğunu qeyd edib. O, hadisənin amansızlığından təsirləndiyini bildirib.
Putinin bildirdiyinə görə, insan əxlaqı terrorizmə yaddır. Kreml başçısı bildirib ki, bu böyük şər üzərində qələbə çalmaq üçün bütün bəşəriyyət birləşməlidir.
Nitsadakı terror aktı nəticəsində 84 nəfər ölüb, 100-dən çox insan yaralanıb.
Aqşin Kərimov
