Ukrayna futbolunun əfsanəsi Andrey Şevçenko bu ölkənin milli komandasının baş məşqçisi təyin olunub. Modern.az Ukrayna mediasına istinadən bildirir ki, 39 yaşlı mütəxəssislə 2+2 illik müqavilə imzalanıb.
Ukrayna millisinin baş məşqçisi Mixail Fomenko Fransada iyunun 10-dan iyulun 10-dən keçirilən Avropa çempionatındakı uğursuz çıxışdan sonra istefa verib.
Şevçenko Ukrayna Qəhrəmanıdır, 2004-cü ildə “Qızıl top” mükafatını da alıb. O, Kiyevin “Dinamo” komandasından sonra İtaliyanın “Milan” və İngiltərənin “Çelsi” klublarında da oynayıb.
Modern.az
