ABŞ-ın vitse-prezidenti Cozef Baydenin avqustun 24-də Türkiyəyə gözlənilən səfər proqramı açıqlanıb.
Modern.az saytı Türkiyə KİV-nə istinadən xəbər verir ki, Ankaranın Esenboğa hava limanına enəndən sonra Bayden Türkiyə Böyük Millət Məclisinə (TBMM) gedəcək. Daha sonra parlamentin sədri İsmail Kahramanla görüş keçirəcək.
Vitse-prezident nahardan sonra Türkiyənin baş naziri Binali Yıldırımla Çankaya iqamətgahında təkbətək görüş keçirəcək. Görüşdən sonra onların mətbuat konfransı olacaq.
Bayden sonda prezident Rəcəb Tayyib Ərdoğanla görüşəcək.
Modern.az
