"Suriyanın İdlib vilayətinin Fua və Kefrayə şəhərlərinin sakinləri qidadan tam məhrum olublar. Aclıqdan 17 uşaq ölüb". Modern.az saytı “Report”a istinadən xəbər verir ki, bu barədə həmin şəhərlərin yeni xalq şurasının nümayəndəsi xəbər verib.
"Son aylar yemək və su çatışmazlığı hiss olunur. Dərman ümumiyyətlə yoxdur" – deyə hökumət üzvü agentliyə bildirib.
Məlumatlara görə, həmin şəhərlər hər gün bombardmanlara məruz qalırlar. Sutka ərzində yaşayış məntəqələrinə 1000-dən çox raket və minaatan mərmisi düşür.
İdlib vilayətinin bu şəhərləri 3 ildən çoxdur tam blokadadırlar. Sakinlərə yardımlar yalnız hava yolu ilə çatdırılır.
Mülki vətəndaşlar hətta adi xəstəliklərdən, dərman çatışmazlığından ölürlər. Sakinlər aclıq çəkir.
Modern.az
