Azərbaycan Prezidenti İlham Əliyev sentyabrın 5-də Özbəkistan Respublikasının ölkəmizdəki səfirliyində olub.
Dövlət başçısı İlham Əliyev Özbəkistan Respublikasının prezidenti İslam Kərimovun vəfatı ilə əlaqədar başsağlığı verib, xatirə kitabına ürək sözlərini yazıb.
***
Modern.az-ın məlumatına görə, İslam Kərimovun vəfatı ilə əlaqədar ölkədə 3 günlük matəm elan edilib.
Özbəkistan lideri avqustun 27-də insult diaqnozu ilə xəstəxanaya yerləşdirilmişdi. 79 yaşlı Özbəkistan Prezidenti İslam Kərimov sentyabrın 2-də vəfat edib.
O, sentyabrın 3-də doğulduğu Səmərqənd şəhərindəki "Şahi-Zində" qəbiristanlığında dəfn olunub.
İslam Kərimov dünyasını dəyişdikdən sonra ölkə Konstitusiyasına uyğun olaraq prezident seçkiləri keçirilənə qədər dövlət başçısının səlahiyyətlərini Özbəkistan Parlamenti Senatının sədri Niqmatulla Yuldaşev icra edir.
Modern.az
