Özbəkistanda tikilməkdə olan yaşayış binası uçub. Modern.az saytı Özbəkistan mediasına istinadən xəbər verir ki, hadisə paytaxt Daşkənddə qeydə alınıb. İlkin məlumata görə, hadisə nəticəsində 3 nəfər ölüb, 2-si xəsarət alıb.
Hadisə yerinə hüquq-mühafizə orqanlarının əməkdaşları, təcili yardım briqadaları cəlb olunub.
İlkin versiyaya əsasən, ev tikinti qaydalarının kobud pozulması səbəbindən uçub. Faktla bağlı araşdırma aparılır.
Modern.az
