Türkiyə Hərbi-Hava Qüvvələrinin vurduğu Rusiyaya məxsus “SU-14” təyyarəsinin pilotu Oleq Peşkovun həyat yoldaşı Türkiyə xarici işlər naziri Mövlud Çavuşoğlu ilə görüşməyə hazırdır. Modern.az saytı Rusiya mediasına istinadən xəbər verir ki, bu barədə Yelena Peşkova özü mətbuata açıqlama verib.
Yelena Peşkova bildirib ki, ailə üçün nə qədər ağır olsa da, Moskvaya bu görüşə gedəcək.
Qeyd edək ki, bundan əvvəl Mövlud Çavuşoğlu “Rossiya 24” telekanalına müsahibəsində Türkiyənin həlak olan pilotun ailəsinə maddi dəstək göstərməyə, özünün isə mərhumun ailəsinə baş çəkməyə hazır olduğunu bildirib.
Modern.az
