Rusiya prezidenti Vladimir Putin 34 yaşlı Maksim Oreşkini iqtisadiyyat naziri təyin edib.
Modern.az-ın Rusiya KİV-ə istinadən verdiyi xəbərə görə, Putin maliyyə nazirinin müavini Maksim Oreşkinə İqtisadi İnkişaf Nazirliyinə rəhbərlik etməyi təklif edib.
M.Oreşkin də öz növbəsində prezidentin təklifini qəbul edib. Beləliklə, 34 yaşlı M.Oreşkin cari Nazirlər Kabinetində ən gənc nazir olub.
Oreşkin 2015-ci ilin martından maliyyə nazirinin müavini vəzifəsində çalışıb.
Xatırladaq ki, 2 milyon dollar məbləğində rüşvət almaqda ittiham olunan Rusiyanın sabiq iqtisadi inkişaf naziri Aleksey Ulyukayevə qarşı ötən ay cinayət işi açılıb.
Ağa AKİFOĞLU
