Düz 4 il əvvəl - 2013-cü ilin iyul ayında ABŞ-ın San-Fransisko şəhərinin hava limanında Cənubi Koreyanın “Asiana Airlines” aviaşirkətinin “Boeing” sərnişin təyyarəsi uçuş-eniş zolağına bir neçə metr qalmış yerə çırpılmışdı. Modern.az Virtualaz.org-a istinadən xəbər verir ki, bu gün “Transponder 1200” qrupu internetdə həmin qəzanın videosunu paylaşıb. Qəzanı hava limanının dispetçer qülləsində quraşdırılmış kamera qeydə alıb. Qəza nəticəsində 16 yaşlı iki çinli qız həlak olmuş. Daha bir sərnişin sonradan xəstəxanada dünyasını dəyişmişdi. 182 nəfər qəzadan sonra ağır bədən xəsarətləri ilə xəstəxanaya yerləşdirilmişdilər.
Ekspertlərin fikrincə, qəzaya səbəb pilotların təcrübəsizliyi olub.
Modern.az
