ABŞ Prezidenti Donald Tramp Səudiyyə Ərəbistanı, Birləşmiş Ərəb Əmirlikləri və Qətər liderlərinə çağırış edib.
Modern.az xarici KİV-ə istinadən xəbər verir ki, D.Tramp liderləri İranın təhdidinə qarşı mübarizə üçün birliyə çağırıb.
Belə ki, Tramp bu çağırışı Səudiyyə Ərəbistanının vəliəhdi Məhəmməd Ben Salman əs-Səud, BƏƏ-nin şahzadəsi Məhəmməd Ben Zeyid ən-Naxayan və Qətər əmiri Tamam Ben Həmad əs-Sani ilə telefon danışığı zamanı səsləndirib.
Prezident həmçinin ABŞ-ın ərəb ortaqlarının birliyini regional sabitliyin davamı kimi vurğulayıb. O, terrorçu qrupların maliyyələşdirilməsinə qarşı Riyad sammitində iştirak edən ölkələrin öhdəliklərinə riayət etməli olduğunu da bildirib.
