Almaniyada federal məclisə seçkilər hazırkı kansler Angela Merkelin başçılıq etdiyi Xristian Demokrat İttifaqı/Xristian Sosialist İttifaqı alyansının qələbəsilə başa çatıb.
Modern.az xarici KİV-ə istinadən xəbər verir ki, alyans seçkilərdə 32,5 faiz səs toplayıb. Onun əsas rəqibi Alman sosial-demokratları isə seçicilərin yalnız 20 faizinin dəstəyini qazana bilib.
Kansleri Angela Merkel yeni hökumətin dekabrın 25-dək formalaşdırılacağını deyib.
Qeyd edək ki, seçkilərdə təxminən 61,5 milyon alman iştirak edib. Onların səsi uğrunda 42 partiya mübarizə aparıb.
